രാജേഷ് ചന്ദ്രന്റെ മാതൃക

നമ്മുടെ കുട്ടികൾ വഴിയിലുണ്ട്, ശ്രദ്ധിക്കണേ

ഇന്നലെ വഴിയിൽ വെച്ചു കണ്ട ഒരു കാറിന്റെ പിന്നിലെ ഗ്ലാസിൽ കണ്ട സ്റ്റിക്കർ. അന്വേഷിച്ചപ്പോൾ കാറുടമയായ കോട്ടയംകാരൻ ശ്രീ.രാജേഷ് ചന്ദ്രൻ പറഞ്ഞത് അദ്ദേഹത്തിന്റെ സഹോദരൻ വിദേശത്തു നിന്നും കൊണ്ടുവന്നതാണ്,അവിടെ സ്കൂൾ തുറക്കുമ്പോൾ എല്ലാ വാഹനത്തിലും ഇത് നിർബന്ധമായും പതിക്കണമത്രേ. അനുകരണനീയമായ ഒന്ന്. ഇവിടെ അത് സ്വന്തം വാഹനത്തിൽ പതിപ്പിക്കാൻ തോന്നിയ ശ്രീ.രാജേഷ് ചന്ദ്രന് കയ്യടി...

എല്ലാവരും സൂക്ഷിച്ചു വാഹനമോടിക്കണേ....
നമ്മുടെ കുഞ്ഞുങ്ങൾ വഴിയിലുണ്ട്. അവർ അപക്വരാണ്. നമ്മെപ്പോലെ വഴിയിൽ പതിയിരിക്കുന്ന വിപത്തുകളെക്കുറിച്ച് ബോധമില്ലാത്തവരും അവയെ നേരിടുവാൻ പ്രായോഗിക പരിചയമില്ലാത്തവരുമാണ്. നമ്മളവർക്ക് അതിനുള്ള പരിശീലനം നൽകുന്നുമില്ല. കുട്ടികൾ ചിത്രശലഭങ്ങളെപ്പോലെ റോഡിൽ തുള്ളിക്കളിച്ചേക്കാം. നമ്മളാണ് ശ്രദ്ധിക്കേണ്ടത്.
ഒരു കുഞ്ഞിനും ഇക്കൊല്ലം റോഡിൽ അപകടമുണ്ടാകാതിരിക്കട്ടെ..