ഓണമേ വിട

ഓണമേ വിട
.............................................

ഓണത്തിന്റെ ആരവങ്ങൾ ഒടുങ്ങിത്തുടങ്ങി. പൂക്കളങ്ങളിൽ വിതറിയ വർണ്ണപ്പൂവുകളും വാടിത്തുടങ്ങുന്നു.
അകത്ത് മിനി സ്ക്രീനിൽ ഓണപ്പരിപാടികളും പുറത്ത് ക്ലബ്ബോണാഘോഷങ്ങളും അരങ്ങേറിക്കൊണ്ടേയിരിക്കുന്നു.
അങ്ങനെയൊരു രണ്ടുനാൾ കൂടി.......

മാവേലി തന്റെ പ്രവാസലോകത്തിലേക്കുള്ള മടക്കയാത്രയിലായിരിക്കാം ഇപ്പോൾ.
നമുക്കും ആധികളിലേക്കും വ്യാധികളിലേക്കും പിൻമടങ്ങുവാനുള്ള സമയമായി.
കള്ളത്തരങ്ങളും പൊളിവചനങ്ങളും കേൾക്കുവാനും കള്ളപ്പറയും ചെറുനാഴിയുമൊരുക്കുവാനുമുള്ള സമയം  വൈകിയിരിക്കുന്നു.
ഇനി നമുക്ക്  പ്ലാസ്റ്റിക്ക് കൂടുകളും കുപ്പികളും മലിനവസ്തുക്കളും കൊണ്ട് പാതയോരത്ത്  പൂക്കളങ്ങളൊരുക്കാം... അങ്ങനെയൊരു മുന്നൂറ്റി അറുപത്തിനാലു ദിനം കൂടി ......
വീണ്ടുമൊരു തിരുവോണം.......

ഒരിക്കൽ കൂടി ഓണമാഘോഷിക്കാനുള്ള അവസരം നൽകിയതിന് ജഗത്പിതാവിന് നന്ദി.